Çində Rusiya neftinə tələbat artır!
Ölkənin bazar payı ilin ilk yeddi ayında 83% təşkil edib. Lakin bu göstərici ötən ilki 88%-dən aşağıdır.
Çindəki neft emalı zavodları İran neftinin tədarükündə yaranan problemləri kompensasiya etmək üçün Rusiyanın ESPO xam neftinə daha çox üstünlük verməyə başlayıb. Bu səbəbdən ESPO-nun qiyməti əhəmiyyətli dərəcədə bahalaşıb. Bloomberg-in treyderlərə istinadən yaydığı məlumata görə, noyabrda çatdırılacaq ESPO nefti Brent markalı neftdən 7 dollardan çox baha satılır. Bəzi təkliflərdə fərq 10 dollara qədər yüksəlib. ESPO Rusiyanın Uzaq Şərqindən Çinə bir həftədən az müddətdə çatdırıla bilir.
Çin ESPO-nun əsas alıcısı olaraq qalır. Ölkənin bazar payı ilin ilk yeddi ayında 83% təşkil edib. Lakin bu göstərici ötən ilki 88%-dən aşağıdır. Eyni dövrdə Hindistanın payı 12%-dən 16%-ə yüksəlib.
Hindistan neft emalı zavodları son aylarda ESPO idxalını artırıb. Bunun əsas səbəbləri Çinin neft idxalının azalması və Yaxın Şərqdə təchizat problemlərinin yaranmasıdır. Adətən Urals neftinə üstünlük verən Hindistan hazırda ESPO-nu alternativ mənbə kimi seçir. Bununla belə, Ukraynanın Rusiya ixrac infrastrukturuna hücumları və Çinlə artan rəqabət avqust ayında Hindistanın Rusiyadan neft idxalının azalmasına səbəb olub.