Anthropic və Akamai arasında 11,6 milyard dollarlıq müqavilə
Süni intellekt şirkəti Anthropic artan hesablama gücü ehtiyaclarını qarşılamaq üçün Akamai Technologies ilə 7 illik, 11,6 milyard dollarlıq müqavilə imzalayıb.
Süni intellekt şirkəti Anthropic artan hesablama gücü ehtiyaclarını qarşılamaq üçün Akamai Technologies ilə 7 illik, 11,6 milyard dollarlıq müqavilə imzalayıb. Müqavilənin daha 9 milyard dollar artırılması mümkündür. Bu halda razılaşmanın ümumi dəyəri təxminən 20 milyard dollara çata bilər. Razılaşmanın açıqlanmasından sonra Akamai-nin səhmləri 15% bahalaşıb.
Müqaviləyə əsasən, Akamai Anthropic-in dövriyyədə olan səhmlərinin 5%-nə qədərini almaq hüququ əldə edib. İlkin 11,6 milyard dollarlıq öhdəliyin isə şirkətin təxminən 2%-lik payını əldə etməsi ilə nəticələnəcəyi gözlənilir.
Akamai gələn il Anthropic ilə əməkdaşlıqdan 150–300 milyon dollar gəlir əldə etməyi planlaşdırır. Şirkətin baş direktoru Tom Leighton bildirib ki, 2028-ci ilə qədər bu əməkdaşlıqdan illik gəlirin təxminən 1,7 milyard dollara çatacağı gözlənilir. Akamai müqavilə çərçivəsində əsasən serverlərə, çiplərə və şəbəkə avadanlıqlarına investisiya edəcək. Xərclərin əhəmiyyətli hissəsinin gələn il həyata keçirilməsi planlaşdırılır. Şirkət investisiyaların uzunmüddətli gəlir gətirəcəyini gözləyir.