Avropada elektrik avtomobillərinə tələbat kəskin yüksəldi!

Qlobal elektrik avtomobillərinə tələbat avqust ayında ardıcıl altıncı ay artıb. Benchmark Mineral Intelligence şirkətinin məlumatlarına görə, Avropada güclü satışlar Çin və Şimali Amerikadakı azalmaları kompensasiya edib. Avqustda qlobal elektrik avtomobil satışları illik müqayisədə 2% artaraq 1,83 milyon ədədə çatıb. İlin ilk 8 ayında isə ümumi satışlar 13,4 milyon ədəd təşkil edib.

Avropada satışlar 36% artaraq 380 min ədədə yüksəlib. Bölgədə ilin əvvəlindən bəri artım 29% olub. Subsidiyalar əsas bazarlarda tələbatın yüksək qalmasına dəstək verib. Çində elektrik avtomobil satışları 11% azalaraq 1,03 milyon ədədə düşüb. Şimali Amerikada isə satışlar 33% azalaraq 140 min ədəd olub. ABŞ-da federal vergi güzəştlərinin sona çatması bazara mənfi təsir göstərib. Dünyanın digər bölgələrində satışlar 97% artaraq 290 min ədədə çatıb. Çin istehsalçıları isə artımı qorumaq üçün ixraca daha çox yönəlirlər.