Çin Asiya bazarına yanacaq tədarükünü azaldıb!
Çin daxili yanacaq bazarını dəstəkləmək məqsədilə oktyabr ayında planlaşdırılan bəzi neft məhsulları ixracını ləğv edib.
Çin daxili yanacaq bazarını dəstəkləmək məqsədilə oktyabr ayında planlaşdırılan bəzi neft məhsulları ixracını ləğv edib. Ləğv edilən tədarüklərə benzin və dizel də daxildir. Məlumata görə, qərar ölkənin qlobal enerji bazarındakı uzunmüddətli dalğalanmalar fonunda daxili təchizata üstünlük verməsi ilə bağlıdır. Neft məhsullarının daşınması və alqı-satqısı ilə məşğul olan mənbələr bildiriblər ki, Çinli ixracatçıların bəzi yükləri üzrə planlar dəyişdirilib. Bu qərar Asiya bazarında yanacaq qiymət fərqlərinin kəskin şəkildə artmasına səbəb olub.
Sinopec Group və Sinochem kimi dövlət şirkətləri Çinin yanacaq ixracında əsas rol oynayır. Onlar məhsulları böyük neft şirkətlərinə və ticarət şirkətlərinə satır, həmin şirkətlər isə yanacağı Asiyanın digər ölkələrinə çatdırırlar. Çin Cənubi Koreya kimi ölkələrdən daha az yanacaq ixrac etsə də, onun tədarükü regional bazar üçün mühüm əhəmiyyət daşıyır. Buna görə də ixracın azaldılması Asiyada yanacaq qiymətlərinə və tədarük balansına təsir göstərə bilər.