Çində smartfon satışlarında kəskin geriləmə
Apple isə 17,8% bazar payı ilə ikinci yerdə qərarlaşsa da, şirkətin tədarükləri 4,3% azalıb.
IDC-nin məlumatlarına görə, Çində smartfon tədarükləri üçüncü rübdə ötən ilin eyni dövrü ilə müqayisədə 15,4% azalaraq 57,9 milyon ədədə düşüb. Huawei 12,2 milyon smartfon tədarükü və 21% bazar payı ilə liderliyini qoruyub. Apple isə 17,8% bazar payı ilə ikinci yerdə qərarlaşsa da, şirkətin tədarükləri 4,3% azalıb.
Çinin digər aparıcı smartfon istehsalçıları Oppo, Vivo və Xiaomi də geriləmə ilə üzləşiblər. Bu şirkətlərin tədarükləri müvafiq olaraq 17,6%, 24,9% və 20,4% azalıb.
Bazarın zəifləməsinə istehlak xərclərinin aşağı olması və yaddaş çipləri ilə digər komponentlərin bahalaşması təsir göstərib. IDC-nin baş analitiki Artur Quonun sözlərinə görə, istehsalçılar artan xərcləri istehlakçılara ötürərək tədarüklər azalsa da, pərakəndə satış qiymətlərini artırırlar.
IDC bildirir ki, Huawei geniş məhsul çeşidi və nisbətən münasib qiymət artımları sayəsində mövqeyini qoruyub. Apple-ın yeni iPhone modelləri gözləniləndən yaxşı satış nəticələri göstərsə də, təklif olunan modellərin sayının az olması şirkətin tədarüklərinə mənfi təsir edib.
Honor isə əvvəlki rüblə müqayisədə tədarüklərini artıran yeganə aparıcı brend olub. IDC bu nəticəni bazarda mümkün bərpanın ilkin əlaməti kimi qiymətləndirir.