Qızıl bazarında son vəziyyət

Qızıl əvvəlki gün qazandığı dəyərin böyük hissəsini qoruyub. Cümə axşamı 1,6% bahalaşan qızıl son iki həftədən çox müddətin ən güclü gündəlik artımını göstərib. Cümə günü isə qiymət 0,3% azalaraq bir unsiya üçün 4.158 dollara düşüb. Səhm bazarındakı satışlar və süni intellektə yatırımlarla bağlı narahatlıqlar investorları daha təhlükəsiz hesab edilən ABŞ dövlət istiqrazlarına yönəldib. İstiqrazlara tələbin artması onların gəlirliliyini aşağı salıb. Bu da faiz gəliri gətirməyən qızılı investorlar üçün daha cəlbedici edib.

ABŞ-də inflyasiyanın gözləniləndən yüksək olması faiz artımı ehtimalını gücləndirsə də, qızıl əvvəlki itkilərini bərpa edib. İnvestorlar indi ABŞ Federal Ehtiyat Sistemindən (FED) gələcək açıqlamaları izləyirlər.

Digər qiymətli metallardan gümüş 0,5% ucuzlaşaraq 57,13 dollara enib. Platin və palladiumun qiymətində isə ciddi dəyişiklik olmayıb.