Süni intellekt milyarderlərin sərvətini rekord həddə çatdırıb!

Bloomberg Milyarderlər İndeksinə görə, dünyanın ən varlı 500 insanı arasında yer alan texnologiya milyarderlərinin sərvəti ilin ilk 9 ayında 845 milyard dollar artıb. Təxminən 100 texnologiya milyarderinin ümumi sərvəti hazırda 4,6 trilyon dollara çatıb. Sərvət artımının əsas səbəbləri süni intellektə artan maraq və texnologiya şirkətlərinin səhmlərinin yüksəlməsi olub. Texnologiya milyarderləri indeksdəki şəxslərin yalnız beşdə birini təşkil etsə də, ümumi sərvətin 36%-nə sahibdir.

Bu artımda ən böyük pay Elon Musk-a məxsusdur. O, ilin əvvəlindən sentyabrın sonuna qədər sərvətinə 310 milyard dollar əlavə edib. Bu məbləğ texnologiya milyarderlərinin ümumi sərvət artımının təxminən 40%-ni təşkil edir. Dell Technologies-in təsisçisi Michael Dell-in sərvəti isə 81% artaraq 254 milyard dollara yüksəlib. Mark Zuckerberg də Meta səhmlərinin bahalaşması fonunda sərvətinə 23 milyard dollar əlavə edib.

Süni intellekt sahəsində fəaliyyət göstərən şirkətlərin və çip, server, məlumat mərkəzi avadanlığı istehsalçılarının təsisçiləri də bu yüksəlişdən böyük gəlir əldə ediblər. Bu tendensiya süni intellekt sektorunun qlobal sərvət bölgüsünə təsirinin artdığını göstərir.