Apple-ın gələcək cihazlarında dizayn ön planda olacaq!
Apple yeni dövrdə məhsulların görünüşünə, funksionallığına və istifadəçi təcrübəsinə daha çox önəm verməyi planlaşdırır.
Apple-ın yeni CEO-su John Ternus vəzifəyə başladıqdan sonra şirkətin əsas prioritetlərini dəyişməyə başlayıb. Onun əsas diqqəti məhsul dizaynı və yeni cihazların hazırlanmasına yönəlib. Bloomberg-dən Mark Gurmanın məlumatına görə, Ternus əvvəllər Apple-ın aparat mühəndisliyi bölməsinə rəhbərlik edib. CEO olduqdan sonra isə dizayn və istifadəçi interfeysi komandaları ilə daha sıx işləməyə başlayıb.
Ternus dizayn studiyalarında sələfi Tim Cook-dan daha çox vaxt keçirir. Tim Cook adətən ayda bir dəfə dizayn studiyasına baş çəkirdisə, Ternus həftədə bir neçə dəfə, bəzən isə gündə bir neçə dəfə burada olur. Bu, onun yeni məhsulların hazırlanmasına daha yaxından nəzarət etdiyini göstərir.
Yeni idarəetmə modelində maliyyə məsələlərinə CFO Kevan Parekh, təchizat zəncirinə isə COO Sabih Khan cavabdeh olacaq. Bu isə Ternusa gələcək Apple cihazlarının dizaynı və texnologiyasına daha çox diqqət ayırmağa imkan verəcək. Beləliklə, Apple yeni dövrdə məhsulların görünüşünə, funksionallığına və istifadəçi təcrübəsinə daha çox önəm verməyi planlaşdırır.