Marin Le Pen: “Demokratiya təhlükə altındadır, Makronun nüfuzu tükənib”
Marine Le Pen, who plans to run in France’s 2027 presidential election, has criticized President Emmanuel Macron amid renewed looting in Paris and continuing unrest across the country.
Marin Le Pen: “Demokratiya təhlükə altındadır, Makronun nüfuzu tükənib”
Fransada Parisdə yenidən talanların baş verməsi və iğtişaşların davam etməsi fonunda 2027-ci il prezident seçkilərində namizədliyini irəli sürməyi planlaşdıran Marin Le Pen Prezident Emmanuel Makronu tənqid edib.
Fransanın ifrat sağçı Milli Birlik partiyasının lideri Marin Le Pen ölkədə etimad böhranının yaşandığını və bunun demokratiya üçün təhlükə yaratdığını bildirib. O, həm ifrat solçu qüvvələri, həm də etibarını və nüfuzunu itirdiyini iddia etdiyi Prezident Emmanuel Makronu tənqid edib.
Le Pen bu açıqlamaları Makronun yerli vaxtla saat 20:00-da xalqa müraciət etməsindən iki saatdan az əvvəl verib.
Bazar günü günortadan sonra Parisdə yeni zorakılıq hadisələri qeydə alınıb. Şəhər iğtişaşlarına müdaxilə üzrə ixtisaslaşmış CRS-8 xüsusi polis bölməsi ardıcıl ikinci gündür əməliyyatlara cəlb edilib.
Gərginlik əsasən paytaxtın mərkəzində, xüsusilə Respublika Meydanı ətrafında cəmləşib. Toqquşmalar zamanı yüzlərlə etirazçı təhlükəsizlik qüvvələri ilə üz-üzə gəlib. Paris Polis Prefekturasının məlumatına görə, sosial şəbəkələrdə bazar günü saat 14:00-da meydanda keçirilməsi planlaşdırılan, lakin rəsmi qaydada elan edilməyən toplantıya çağırış yayılıb.
Maskalı gənclərdən ibarət qrupların bir neçə obyektə hücum edərək onları talan etdiyi bildirilir.
Şənbə günü baş verən hadisələrlə bağlı açıqlanan məlumatlar da diqqət çəkib. Buş dü Ron departamentinin prefekturası həmin gün 30 mindən çox talançının müəyyən edildiyini bildirib. Bu rəqəm hüquq-mühafizə və məhkəmə sistemi ilə əlaqəli mütəxəssislər arasında təəccüb doğurub.