Neft qiymətləri yenidən yüksəlişə keçdi!
Brent markalı neftin qiyməti 1,11% artaraq 103,73 dollara, WTI nefti isə 0,38% yüksələrək 89,72 dollara çatıb.
ABŞ Prezidenti Donald Trump-ın İrana qarşı sanksiyaların yumşaldılması ilə bağlı xəbərləri təkzib etməsi və Qətərin ABŞ-İran arasında diplomatik danışıqları irəlilətməyə çalışması neft qiymətlərini yüksəldib. Brent markalı neftin qiyməti 1,11% artaraq 103,73 dollara, WTI nefti isə 0,38% yüksələrək 89,72 dollara çatıb. Brent qiymətinin sentyabrı təxminən 14% artımla başa vuracağı gözlənilir.
Neft bazarında əsas diqqət ABŞ-ın dizel ixracına mümkün məhdudiyyətlərinə yönəlib. Belə bir addım ölkə daxilində yanacaq ehtiyatlarının artmasına və neft emalı zavodlarının xam neft emalını azaltmasına səbəb ola bilər. Qətər ABŞ və İran arasında razılaşma əldə olunması üçün tərəflər arasında mesaj mübadiləsi apardığını açıqlayıb. Trump isə İrana sanksiyaların yumşaldılması və dondurulmuş vəsaitlərin sərbəst buraxılması ilə bağlı hər hansı təklif vermədiyini bildirib. Yaxın Şərqdən xam neft ixracı isə sentyabrda artaraq gündəlik 16,328 milyon barelə yüksəlib.