Yaponiyada inflyasiya ilin ən yüksək səviyyəsinə çatıb.
İnflyasiyanın artmasına zəif yenin idxal xərclərini yüksəltməsi və enerji qiymətlərinin dolayı təsirləri səbəb olub.
Yaponiyada baza inflyasiya sentyabr ayında 2,1%-ə yüksələrək ilin ən yüksək səviyyəsinə çatıb. Avqust ayında bu göstərici 1,7% təşkil edib. İnflyasiyanın artmasına zəif yenin idxal xərclərini yüksəltməsi və enerji qiymətlərinin dolayı təsirləri səbəb olub.
Təzə ərzaq qiymətləri nəzərə alınmadan hesablanan baza inflyasiya iqtisadçıların gözləntilərinə uyğun olub. Yaponiya Bankının yaxından izlədiyi, təzə ərzaq və enerji qiymətləri istisna olmaqla hesablanan inflyasiya isə 2,4% təşkil edib.
Capital Economics şirkətinin Asiya-Sakit okean regionu üzrə baş iqtisadçısı Abhijit Surya bildirib ki, ərzaq inflyasiyasının yavaşlamasına və enerji qiymətlərinin azalmasına baxmayaraq, ümumi inflyasiya sürətlənib. Düyü qiymətləri illik müqayisədə 20,6% azalsa da, ümumi mal inflyasiyası avqustdakı 2,6%-dən sentyabrda 2,8%-ə yüksəlib. Digər sənaye mallarında inflyasiya isə 13 ayın ən yüksək səviyyəsinə — 3,9%-ə çatıb.
Hökumətin subsidiyaları sayəsində enerji qiymətləri sentyabrda illik müqayisədə 0,6% azalıb.
Yaponiyanın əsas fond indeksi Nikkei 225 cümə günü 1,62% düşüb. Yen isə ABŞ dollarına qarşı möhkəmlənərək 156,15 səviyyəsinə yüksəlib.