Avropa Mərkəzi Bankı UniCredit-in Commerzbank-da payını artırmasına icazə verib
Avropa Mərkəzi Bankı (AMB) İtaliyanın UniCredit bankına Almaniyanın Commerzbank bankındakı iştirak payını 30%-dən yuxarı artırmağa icazə verib.
Avropa Mərkəzi Bankı (AMB) İtaliyanın UniCredit bankına Almaniyanın Commerzbank bankındakı iştirak payını 30%-dən yuxarı artırmağa icazə verib. Əməliyyatın ilin sonunadək tamamlanması, bank üzərində nəzarətin isə 2027-ci ildən etibarən əldə olunması gözlənilir.
Capitalistaz.com xəbər verir ki, UniCredit tənzimləyici qurumdan Commerzbank-dakı səhmlərinin payını 30%-lik həddən yuxarı qaldırmaq və gələcəkdə daha da artırmaq üçün təsdiq alıb.
Əməliyyatın tamamlanması üçün tələb olunan digər tənzimləyici prosedurların və şərtlərin ilin sonuna qədər yekunlaşdırılması planlaşdırılır. Proqnozlara görə, proses başa çatdıqdan sonra UniCredit Commerzbank-ın səsvermə hüquqlarının təxminən 50%-nə sahib ola bilər.
Bu qərar UniCredit-in Almaniya bankını əldə etmək planında mühüm mərhələ hesab olunur. Bankın açıqlamasına görə, AMB-nin təsdiqi əməliyyata müsbət yanaşmanı və UniCredit-in Avropa bank sektorundakı mövqeyinə olan etimadı əks etdirir.