Çin hibrid avtomobillərinin Avropa bazarına çıxışı məhdudlaşdırıla bilər!
Hazırda Çin istehsalı hibrid avtomobillər Avropada ümumi satışların təxminən dörddə birini təşkil edir.
Avropa İttifaqı Çin istehsalı hibrid avtomobillərin satışının sürətlə artması fonunda yeni ticarət məhdudiyyətləri tətbiq etməyi nəzərdən keçirir. Mənbələrə görə, Avropa Komissiyası hibrid avtomobillərin idxalını məhdudlaşdırmaq üçün tarif kvotalarından istifadə edə bilər.
Hazırda Çin istehsalı hibrid avtomobillər Avropada ümumi satışların təxminən dörddə birini təşkil edir. Eyni zamanda, yüksək gömrük rüsumları ilə üzləşən Çin istehsalı elektrikli avtomobillərin Avropa bazarına idxalında artım tempi zəifləyib.
Planlaşdırılan tədbirin müvəqqəti olması gözlənilir. Komissiya hibrid avtomobilləri yeni ticarət mexanizmini sınaqdan keçirmək üçün nümunə sektor kimi nəzərdən keçirir. Tədbir uğurlu olarsa, oxşar məhdudiyyətlərin digər sektorlara da tətbiqi mümkün ola bilər. AB-nin ticarət komissarı Maroš Šefčovič in Çin Ticarət naziri Wang Wentao ilə Pekində görüşməsi gözlənilir. Görüşlərin nəticəsi planlara təsir göstərə bilər. Məqsədlərdən biri isə Çinin mümkün cavab tədbirlərinin qarşısını almaqdır.